ಬಂದು ಬಿಡು ಚಿನ್ನಾ

ಮಾತೆಲ್ಲ ಮರೆತು, ದೃಷ್ಟಿ ಮಸುಕಾಗಿ
ಬೆನ್ನು ಬಾಗಿ, ಕಣ್ಣು ಮಂಜಾಗಿ
ಮಾತು ತೊದಲಿ ಕೈ ನಡುಗಿ ನಾ
ಹೊರಟು ಹೋಗುವ  ಮುನ್ನ
ಒಮ್ಮೆ ನೋಡಲೇಬೇಕು ನಿನ್ನ
ಯಾರಿಗೂ ಕಾಯದೆ ಬಂದುಬಿಡು ಚಿನ್ನಾ.

ಮನಸು ಎಂಬ ಮಂಟಪ ಬೆಳಗಿ
ಕನಸು ಎಂಬ ಕೂಸಿಗೆ ಮರುಗಿ
ಬಿಟ್ಟು ಹೋಗಲೇ ಬೇಡ ನನ್ನ
ನಿನಗಾಗಿಯೇ ಕಾಯುತಿರುವೆ ನೀ ಬಂದುಬಿಡು ಚಿನ್ನಾ.

ವಾಟ್ಸಾಪ್ ಫೇಸ್ ಬುಕ್ಕು ಗಳಿಗಿಂತ
ನಿನ್ನೊಡನಾಟವೇ ಚೆನ್ನ
ನಿರ್ಜೀವ ತಂತ್ರಗಳವು ಇಂದಿಗೂ ಬೇಡ ಇನ್ನಾ
ಬೇಸರಿಸದೆ ನೀ ಮತ್ತೆ ನನ್ನೊಡನೆ ಬಂದು ಬಿಡು ಚಿನ್ನಾ.

ಒಮ್ಮೊಮ್ಮೆ ಮರುಗಿ
ಒಮ್ಮೊಮ್ಮೆ ಸೊರಗಿ
ಒಮ್ಮೊಮ್ಮೆ ಕೊರಗಿ
ಏನೇನೋ ನಡೆಯುತ್ತಿದೆ ಇನ್ನಾ
ನನ್ನ ಪರಿಸ್ಥಿತಿ ಇನ್ನೂ ಭಿನ್ನ
ಅದನ್ನೆಲ್ಲ ಕೇಳಲಾದರೂ ನೀ ಬರುವೆಯಾ ಚಿನ್ನಾ
ನಿನ್ನ ದಾರಿಯನ್ನೇ ಕಾಯುತಿರುವೆ ಇನ್ನಾ.