ವಿದಾಯ ಪದ

ಕೊನೆಯ ದಿನ ಎಂದೋ ನಾ ಕಾಣೆ
ಅದೀಗಲೇ ಬಂದರು ನಾ ಮರೆಯೆ
ತಿಳಿಸುವುದ ಗೌರವನದಕೆ
ಇಷ್ಟು ದಿನ ಸಾಕಿ ಸಲುಹಿದ ಗುಡಿಗೆ
ಸತ್ಯಕ್ಕೆ ಗುರುವಾಗಿ, ಅನ್ನಕ್ಕೆ ಧಣಿಯಾಗಿ,
ನಮ್ಮ ಕಣ್ಣೊಳ್ ಧರಣಿಯಾಗಿ ಬಾಳಿದ ಬಾಳ್ಮೆಗೆ

ಕೊನೆಯ ದಿನವಿದು, ಉಳಿಯುವುದೆಂತು ,
ಬೆಳೆಯುವುದೆಂತು, ಆಗುವುದೆಂತು ಎಂಬ
ಧಾವಂತಗಳೆಲ್ಲ ನಿಶ್ಯೇಷವಾಗಿ ಹೋಗಲೇಬೇಕೆಂಬ
ಆಣತಿಯಿಲ್ಲಿ ಸಾಕಾರವಾಗುತಿದೆ.
ಮುಂದೇನಿದೆಯೋ ಕಾಣಲಿದು ಸಕಾಲ
ಕೊನೆಯಲ್ಲೂ ಕಲಿಯಬೇಕೆಂಬ ಹಂಬಲ
ಇದಲ್ಲವೇ ಬದುಕು ಕಲಿಸಿದ ಬಲ,
ಸತ್ಯವಿದು, ಅನುಭವಕ್ಕೊಂದು ಸತ್ಯ ದರ್ಶನ.